சித்த மருத்துவத்தில் நோயனுகா விதி (Preventive care in Siddha Medicine) 
http://www.scribd.com/doc/37593032/Preventive-Care-in-SiddhaMedicine

பிரக்கிருதி (Body Constitution)

சித்தர்கள் -- Ernst Kretschmer - William Herbert Sheldon

மனிதனின் உடல் அமைப்பினை சித்தர்கள்
வளி, அழல், ஐயம் என்பவற்றை அடிப்படையாக
கொண்டு வகைப்படுத்தி உள்ளனர்.
முத்தோசங்களுக்கு அமைவாகவே அவர்களது
உடலமைப்பும், குண இயல்புகளும் அமைகின்றன. முத்தோசங்களை அடிப்படையாக கொண்டு
பிரதானமாக மூன்று கிரக்கிருதிகளும், தோசங்களின் கலப்பினால் ஏனைய உலமைப்புக்களும் காணப்படுகின்றன.
இவ் உடலமைப்புக்கள் சிகிச்சை முறையில் பிரதான பங்கினை
வகிக்கின்றன. பிரக்கிருதிக்கு ஏற்ற வகையில் மனிதனது
பழக்கவழக்கங்கள் அமையுமாயின் ஆரோக்கியம் சிறப்பாக இருக்கும்.

     சித்தர்களால் கூறப்பட்ட உடலமைப்புக்களின்
குண இயல்புகள் தற்கால உளவியலாளர்களின்
(Ernst Kretschmer , William Herbert Sheldon) உடலமைப்புக்களின்
குண இயல்புகளுடன் ஒத்தாக காணப்படுகின்றமை ஆச்சரியத்துக்குரிய ஒன்றல்ல.

ஒற்றுமைப்பாடுகள்:

 1.சித்தர்கள்   ---     2.Ernst Kretschmer  ---    3.William Herbert Sheldon
1..வளி உடல்  --------- --2.Asthenic    ------------    3.Ectomorphic
இயல்புகள் - மெல்லிய உடல், மெல்லிய அவயங்கள்,
குறைந்த கொழுப்பு திடமற்ற மனவியல்பு.

1.அழல் உடல்  --------  2.Athletic   --------------   3.Mesomorphic 
இயல்புகள் - திடகாத்திரமன உடல், அளவான என்புகள்,
குறைந்த கொழுப்பு, அகன்ற தோள், மெலிந்த இடுப்பு,
நட்பானவர்கள், ஆளுமையுள்ளவர்கள்.

1.ஐய உடல்--------------2.Pyknic  ----------------- 3.Endomorphic
இயல்புகள் - அதிக கொழுப்பு, அகன்ற இடுப்பு,
பெரிய என்புகள், சோம்பல்.

Ernst Kretschmer (October 8, 1888  - February 8, 1964)
Prof. Dr. med. Dr. phil. h.c., was a German psychiatrist
who researched the human constitution and established
a typology. In 1929 Kretschmer was nominated for the
Nobel Prize in Physiology or Medicine.

William Herbert Sheldon (1940) American psychologist ,
associating body types with human temperament types.

சிங்கை (சங்கானை,யாழ்ப்பாணம்) அரசர்களின் அறுவை மருத்துவமும் நமது அறுவையும்....

செகராச சேகரன் என புகழ் பெற்ற செயவீரன், செகராச சேகரம் 2000, செகராசசேகரமாலை, தட்சிணகைலாசபுராணம் எனும் நூல்களை இயற்றியவர். இவற்றில் செகராசசேகரம் அறுவை மருத்துவம் பற்றி குறிப்பிடுகின்றது. பரராச சேகரன், பரராசசேகரம் 12000 பாடல்களைக் கொண்ட மருத்துவ நூலை இயற்றியவன். இவ்விரு அரசர்களது அறுவை மருத்துவம் தொடர்பாக பாவித்த கத்திகள் இவற்றினை பயன்படுத்தம் முறைகள் பற்றிய முறைகள் பற்றி "சிங்கை அரசர்களின் அறுவைமருத்தவம்" எனும் நூலில் இவர்களது வழித்தோன்றல் மருத்துவரான இராஜசேகரம் தனது நூலில் குறிப்பிட்டுள்ளார். இவ்வரசர்கள் மருத்துவ குழு அமைத்து மருத்துவ துறையை பராமரித்து வந்துள்ளார்கள். கி.பி பதின்மூன்றாம் நூற்றாண்டளவிலேயே அறுவை மருத்துவர்கள் உடற்சகூற்றிரலை, செகராசசேகரன் வாள் போர்க்களத்தில் வெட்டி வீழ்த்திய வடக்கர்களின் உடலைக் கீறி உறுப்புக்களை அளந்து, ஆராய்ந்து ஐயம் சிறிதுமின்றி கற்றுள்ளார்கள். இதில் கவனிக்கப்பட கூடியது, வன்மத்தில் அங்குசத்தினால் குத்தி விறைக்கப் பண்ணி நோயாளிக்கு வலியின்றி அறுவைச் சிகிச்சையை செய்துள்ளார்கள்.

தமிழ் மரத்துவர்களை பரிகசித்த அமெரிக்க மிசனரி மருத்துவர்கள் பின்னர் அவர்களை பார்த்து வியந்துள்ளனர். குறிப்பாக அமெரிக்க மிசனரி தலைமை மருத்துவரும், மானிப்பாய் ஆங்கில மருத்துவக் கல்லூரியின் அதிபரும், ஆங்கில வைத்தியசாலையின் தலைமை மருத்துவரும் ஆன கிறீன் தமிழ் மருத்துவரும் சிங்கை அரசர்களில் ஒருவருமான இராச குலசேகரனை பாராட்டியதுடன், அவரிடமிருந்து தமிழ் மருத்துவத்தையும் கற்றுள்ளார். இவ்வாறு அறிவியல் நிறைந்த தமிழ் மருத்துவம் தமிழர்கள் தமது துறைகளை பேணாததாலும், தேசிய உணர்வு இன்மையாலும் நலிவடைந்து போயுள்ளது. இன்று பல்கலைகழக தரத்தை பெற்ற சித்த மருத்துவ கல்வி இருந்தும் போதிய தேடல், அரச அனுசரனை போதியளவு இல்லாததாலும், மருத்துவர்களின் பணம் தேடும் நோக்காலும் சிதைந்து கொண்டு போகின்றது. மேலைத்தேச நாடுகளில் தமிழ் மருத்துவம் ஆராய்ச்சிக்கு உட்படுத்தப்பட்டு பயன்படுத்தப்படுகின்றது. மேலைத்தேச மருத்துவர்கள் தமிழ் மருத்துவத்தை கற்றுக்கொள்கின்றார்கள்.

ஆனால் எமது நாட்டில் தமிழ் மருத்துவம் போலியானது என்று கூறும் நிலையிலேயே தமிழ் அலோபதி மருத்துவர்கள் உள்ளார்கள்,இவ் அலோபதி மருத்துவர்கள் சித்த மருத்துவம் கற்றவர்களுக்குதான் சித்த மருத்துவத்தில் உரிமை உண்டு, தமக்கும் சித்தமருத்துவத்துக்கும் எந்தவித தொடர்பும் இல்லை என்றே நினைக்கின்றார்கள். ஆனால் அவர்களும் தமிழர்களே, அவர்களுக்கும் உரியதுதான் தமிழ் மருத்துவம். சித்தமருத்துவர்களுக்கு அலோபதி மருத்துவத்தின் சில பகுதிகளை அறிவுக்காக போதிப்பது போல், தமிழ் அலோபதி மருத்துவர்களுக்கும் அதன் சில அடிப்படைகளை போதிக்கப்படல் வேண்டும். இவ்வாறான கூட்டு முயற்சிகளினாலேயே எமது மருத்துவத்தின் பயன்களை நாம் பெற்றுக்கொள்ளலாம். இல்லையேல் நாம் எமது மருத்துவத்தையும் மேலைத்தேசத்தவரிடம் இருந்து மொழிபெயர்க்க வேண்டிய நிலையே ஏற்படும்.

முக்குற்றம் - ஆய்வு நோக்கில்

சித்த மருத்துவத்தில் நோய்நிதானம், வளி, அழல், ஐயம் என்ற முக்குற்றங்களை அடிப்படையாக கொண்டே கணிக்கப்படுகின்றது. இவற்றை அடிப்படையாக கொண்டே மருந்துகள் தேர்வு, மருத்துவம், நோயில்லாவாழ்வு போன்ற பல்வேறு விடயங்கள் விளக்கப்பட்டுள்ளன.

வளி, அழல், ஐயம் போன்றவற்றை ஒவ்வொரு கலத்திலும் நடைபெறும் வளர்ச்சி மாற்றம் (Anabolism), சிதைவு மாற்றம் (catabolism), வளர்சிதைவு மாற்றம் (Metabolism) ஆகியவைகளுடன் ஒப்பு நோக்கலாம். இங்கு வளி, அழல், ஐயம் உடம்பில் உள்ள நரம்புக் கல கடத்திகளுடன் (Neuro transmittors) அதனுடன் தொடர்புடைய நொதியங்களுடனும் (Enzymes) ஒப்பு நோக்கப்பட்டுள்ளது.

நமது உடலில் எண்ணற்ற நரம்புக்கல கடத்திகள் உள்ளன. இவைகள் மிகவும் முக்கியமான உடலின் பல்வேறு செயல்பாடுகளில் பங்கு பெறுபவை Acetylcholine, Catecholamines, Histamine ஆகியவை. இவை மூன்றும்தான் உடலின் சுற்றுப்புற செயல்பாடுகளில் மூளையின் பகுதியில் செயல்படுபவை ஆகும்.

இம்மூன்றையும் நமது முக்குற்றத்திற்கு ஒப்பிட்டு ஆய்வுசெய்கையில்,
வளி - Acetylcholine - The chemical compound acetylcholine (often abbreviated ACh) is a neurotransmitter in both the peripheral nervous system (PNS) and central nervous system (CNS) in many organisms including humans.

அழல் - Catecholamines - Catecholamines are sympathomimetic "fight-or-flight" hormones released by the adrenal glands in response to stress. They are part of the sympathetic nervous system.

ஐயம் - Histamine -Histamine is an organic nitrogen compound involved in local immune responses as well as regulating physiological function in the gut and acting as a neurotransmitter.

முக்குற்றத்தின் செயல்களுடன் ஒப்பிடும்போது,
வளி - Cholinesterase - In biochemistry, cholinesterase is a family of enzymes that catalyze the hydrolysis of the neurotransmitter acetylcholine into choline and acetic acid.

அழல் - Monoamino oxidase - MAO are a family of enzymes that catalyze the oxidation of monoamines.

ஐயம் - Histaminase - An enzyme that catalyzes the inactivation of histamine and is found in the digestive system.
இவற்றுடன் ஒற்றுமைப்படுத்தப்பட்டுள்ளது.

Banras Hindu University இல் உடலில் குருதி, மூளைப்பகுதியில் மேலே குறிப்பிட்ட நரம்புக்கல கடத்திகளை ஆய்வு செய்து அவற்றின் இயல்பு நிலைகளை (Normal values) குறித்துக்கொண்டனர். பின்னர் சில தனி மூலிகை மருந்துகளை கொடுத்து மேற்கூறிய Neuro humor அளவை ஆராய்ந்தார்கள்.
இந்த ஆய்வானது மூலிகைகள் வளி, அழல், ஐயம் என்ற முக்குற்றங்களை எவ்வாறு அதிகரிக்கின்றது அல்லது குறைக்கின்றது என்பதை நிடரூபிக்கும் வகையில் மேற்கொள்ளப்பட்டது. ஆய்வுக்காக எடுத்துக்கொள்ளப்பட்ட மூலிகைகள் கடுக்காய், நெல்லிக்காய், தான்றிக்காய், அமுக்கிராய், வாகை மற்றும் சந்தனம்.

வளி - Acetyl choline - Cholinesterase

கடுக்காய், தாண்றிக்காய் மற்றும் சந்தனம் ஆகியவற்றால் செய்த மருந்துகளை தனித்தனியே எலிகளுக்கு கொடுத்து ஆய்வு செய்கையில் இம்மருந்துகள் குருதி, மூளையில் உள்ள Acetylcholine அளவைக் குறைக்கின்றது. மேலும் சிறிதளவு Histamine, Catecholamines ஆகியவைகளை அதிகரிக்கின்றது. வளியுடன் தொடர்பான Acetylcholine ஐ குறைப்பதால் மேற்கண்ட மருந்துகளை வளிப்பிணிகளுக்கு கொடுக்கலாம் என்ற முடிவு பெறப்பட்டது.

அழல் - Catecholamines - Monoamino oxidase
நெல்லிக்காய், அமுக்கிராய் ஆகிய மருந்துகளை தனித்தனியே உட்கொள்ளச் செய்து ஆய்வு செய்யும் போது குருதி, மூளையில் உள்ள Catecholamines மிகவும் குறைகிறது. மேலும் இது Acetylcholine அளவை அதிகரிக்கின்றது. இங்ஙனம் அழலிற்கு தொடர்பான Catecholamines ஐ குறைப்பதால் இவற்றை அழல் பிணிக்குக் கொடுக்கலாம் என்ற முடிவு பெறப்பட்டது.

வாகையானது (Albizza lebback) மூளை, குருதியில் உள்ள Acetylcholine அளவை மிகவும் குறைக்கின்றது. மேலும் குருதி மற்றம் மூளையில் உள்ள Histamine, Catecholamines அளவுகளை அதிகரிக்கின்றது.

இதன்மூலம் நமது அகமருந்து 32 ம் எவ்வாறு செயல்படுகின்றது என்பதை தத்துவ ரீதியாகவும் உணரலாம்.

நன்றி - ஆதாரநூல் - தமிழர்........... அன்று சொன்னவை அர்த்தமுள்ளவை, May 2005, வெளியீடு - தமிழ் மருத்துவக்கழகம்,வருகம்பாக்கம், சென்னை.

காயகற்ப மூலிகைகள் ஐந்து.

இப்படியும் அர்த்தம் உண்டாம்,

காயகற்ப மூலிகைகள் ஐந்து.

உடலை இளமை மிடுக்குடன் வைத்திருக்க ஒளவைப்பிராட்டியார் தனது செய்யுளில் காயகற்ப மூலிகைகளை பற்றி கூறியுள்ளார்.

" வாக்குண்டாம் நல்ல மனமுண்டாம் மாமலராள்
நோக்குண்டாம் மேனி நுடங்காது - "பூக்கொண்டு
துப்பார் திருமேனித் தும்பிக்கை யான்பாதம்
தப்பாமற் சார்வார் தமக்கு."

தும்பிக்கையுடைய விநாயகரை துதிப்பவர்க்கு வாக்குவன்மையும், மனோபலமும், இலக்குமி கடாட்சமும், உடலும் வாடாது. இது சாதாரனமாக கொள்வது.

இதன் உட்கருத்து, (ஒழுக்கத்துடன் இருந்து) உடலை நெடுநாள் வரை மூப்பின்றி, பிணியின்றி வைத்திருப்பதற்கான கற்ப மூலிகைகளை கூறும் செய்யுளாகும்.

இங்கு,

பூ என்பது வெண்தாமரைப்பூ
மேனி என்பது குப்பை மேனி
தும்பி என்பது தும்பை செடி
கையான் என்பது கரிசலாங்கண்ணி
பாதம் என்பது செருப்படை

மேற்கூறப்பட்ட ஐந்து மூலிகைகளும் காயகல்ப மூலிகைகளாகும். அதாவது இச்செய்யுளின் உட்கருத்து இதுவென குறிப்பிடப்படுகின்றது.

இதனை பயன்படுத்தும் முறை,

வெண்தாமரைப்பூ இதழ் -450g
குப்பைமேனி இலை -700g
தும்பை சம்மூலம் -560g
கரிசலாங்கண்ணி இலை -300g
செருப்படை இலை -280g

எல்லாவற்றையும் தனித்தனியாக உலர்த்தி சூரணம் செய்து, ஒரு வேளை 3g வீதம் காலை, மாலை தேனில் குழைத்து சாப்பிட்டு பசும்பால் 200ml குடிக்கவும். தொடர்ந்து 48 நாட்கள் கற்பம் உண்ணவும்.

பத்தியம்

மருந்து முடியும் வரை பால் சாதம், மலைவாழைப்பழம் சாப்பிடவும்.
அதிக அலைச்சல், கடும்வெயிலில் திரிதல், மழையில் நனைதல் கூடாது.
மூன்று மாதம் பெண் சேர்க்கையை தவித்தல் வேண்டும்.

நன்றி : Dr சிற்சபை,சித்த மருத்துவம். திங்கள் இதழ், 01.04.1985, இதழ் 12.

மனதோடு!
பஞ்சபூதங்களும் முக்குற்றங்களும்.
திருமூலர் அண்டத்தில் உள்ளதுதான் பிண்டத்தில் உள்ளது என்கிறார்.பங்சபூதத்தால் உண்டாகி பஞ்சபூதத்தில் வாழ்ந்து பஞ்சபூதத்தில் அழியும் தன்மை கொண்டவன்தான் மனிதன். பஞ்சபூதங்கள் ஆகாயம், காற்று, அக்கினி, நீர், பூமி என்பனஆகும். இவை மனித உடலில் கீழ்வரும் முக்குற்றங்களை உருவாக்கின்றன.

காற்று + ஆகாயம் - வளி - அசையும், அசைய வைக்கும் தன்மை கொண்டது.
அக்கினி - அழல்
நீர் + நிலம் - ஐயம்

இம்மூன்றும் சேர்ந்து வளி, அழல், வஐயம் என்கின்ற முக்குற்றங்களாக செயற்படுகின்றன.
இவற்றை குற்றங்கள் என்று சொல்வதற்கு காரணம், தாம் கெட்டுப்போவதால் உடலில் உள்ள தாதுக்களையும் கெட்டுப்போக செய்து நோயை உண்டாக்குகின்றன. பஞ்சபூதங்களே முக்குற்ற வடிவில் உடலின் செயற்பாட்டை நிர்ணயிக்கின்றன.

இந்து புராணப்படி,

பிரம்மா - வளி - உருவம் இல்லை.
விஸ்ணு - ஐயம் - இதனை சமப்படுத்தவே வெப்பம் தரும் துளசி விஸ்ணுவிற்கு பயன்படுத்தப்படுகின்றது.
சிவன் - அழல் - இதனாலேயே சிவன் தலையில் சந்திரனையும், கங்கையையும் கொண்டுள்ளார்.

அழல் - சீரண சக்தி, உடல் வெப்பம், பசி, தாகம், கண்பார்வை என்பவற்றை கொடுக்கின்றது.
ஐயம் - உடல் அமைப்பு, உடலின் மூட்டுக்கள், கொழுப்பு, நோய்எதிர்ப்பு என்பவற்றை கொடுக்கின்றது.
வளிக்குற்றம் - ஏனைய இரு குற்றங்களுக்கும் முதன்மையானது. அவற்றை இயக்குவதும் வளிக்குற்றமே. வளியின் செயற்பாடுகள் அதிகம். இதயத்தின் செயற்பாடு, புலன்களின் செயற்பாடு, கழிவகற்றல் என்பவற்றுடன் மூளையின் செயற்பாடு அதனுடன் கூடிய மனதின் செயற்பாட்டுக்கும் இதுவே காரணமானது. எனவேதான் மனம் பாதிக்கப்படும் போது வளி பாதிப்படைகின்றது. இதனால் உடற்தாதுக்கள் பாதிப்படைகின்றன.

இதனாலேயே சித்தர்கள் அட்டாங்க யோகங்களான இயமம், நியமம், ஆசனம், பிராணாயாமம், பிரதிதயாகாரம், தாரணை, தியானம், சமாதி என்பவற்றை முக்கியப்படுத்தியுள்ளார்கள். யோகம் என்பது ஐம்பொறிபுலன்களால் மனம் சிதறி போகாமல் ஒரு நிலைப்படுத்தி பேரின்பத்தை மனதில் எண்ணி ஆகம

விதிப்படி ஒழுகுதல் ஆகும்.

இதில் சாதாரண மனிதர்கள் இயமம், நியமம், ஆசனம், பிராணாயாமம் ஆகிய நான்கினையும் கடைப்பிடித்து வந்தாலே மனதினை பாதிக்கக்கூடிய பிரச்சினைகளில் இருந்து தப்புவதோடு, இதனால் ஏற்படும் உடற்பாதிப்புக்களில் இருந்தும் தப்பித்துக்கொள்ளலாம். மனதும் செயலும் தூய்மையானால் மனிதன் கவலை, துன்பம் ஆகியவற்றால் தாக்கப்படாது நரை, திரை, மூப்பு மற்றும் பிணிகளுக்கு அப்பாற்பட்டு வாழ முடியும் என சித்தர்கள் கூறியுள்ளனர்.

அதாவது மனதின் தொழில் நினைத்தல், நினைத்ததை செயற்படுத்துவது. இவை இரண்டிணையும் ஒன்றுக்கொன்று ஒருங்கிணைத்து செயற்படுத்துவது வளிக்குற்றமாகும். இதன்போது நினைத்தலில் அதாவது எண்ணத்தில் ஏற்படும் விகாரங்கள் வளிக்குற்றத்திலும் விகாரத்தை உண்டுபண்ணுகின்றன. இது உடலில் வேண்டத்தகாத மாற்றத்தினை ஏற்படுத்துகின்றன. மனமாறுதல் உடல் மாறுதல்களையும், உடல் மாறுதல்கள் மனமாறுதலையும் ஏற்படுத்துகின்றன. உள்ளம் தளர்வுறும்போது உடலும் தளர்வுறுகின்றது. இதன் மூலம் உள்ளத்திற்கும் உடலுக்கும் உள்ள தொடர்பினை அறிந்துகொள்ளலாம்.

இதனையே வள்ளுவர்,

'காமம் வெகுளி மயக்கம் இவை மூன்றும்
நாமங் கெடக் கெடும் நோய்'

எனவும்,

'மனமது செம்மையானால்
மந்திரம் செபிக்க வேண்டாம்
மனமது செம்மையானால்
வாயுவை (வளி) ஏற்ற வேண்டாம்
மனமது செம்மையானால்
வாயுவை நிறுத்த வேண்டாம்"

என சித்தர்களும் கூறியுள்ளனர்.

இவ்வாறு மனதுடன் தொடர்புடைய வளியினது இயற்கைப்பண்புகள் ஆவன,

இயற்கை நிலையில் நின்று ஊக்கம் உண்டாக்கல்,
மூச்சுவிடல். வாங்கல்
மனம் மொழி மெய்களுக்கு செயலை தரல்
மலம் முதலிய பதினான்கு விரைவுகளை வெளிப்படுத்தல்
ஏழு உடற்தாதுக்களுக்கும் ஒருமித்து நிகழ்ச்சியை தரல்
ஐம்பொறிகளுக்கும் வன்மையை கொடுத்தல்.

வளிக்குற்றமானது பரிவு நரம்பு (Sympathetic Nerve), அதிரினல் சுரப்பி ஓமோன்களின் (Adrenal gland Hormones) போன்றவற்றின் செயற்பாட்டுடன் ஒத்ததாக காணப்படுகின்றது. இது பிராணன், அபானன், வியானன், உதானன், சமானன், நாகன், கூர்மன், கிருகரன், தேவதத்தன், தனஞ்செயன் முதலான வளிக்குற்றங்களில் உதானன் (முயற்சி,மனதிடம்), நாதன்(அறிவு, பண்பு), கூர்மன் (இதன் இருப்பிடம் மனதில்) என்பன கூடுதலாக மனதுடன் தொடர்புடையனவாக காணப்படுகின்றன.

உடல் நோய் ஏற்பட மனமும் முக்கியமென்பதை கீழ்வரும் சித்தர் பாடலும் கூறுகின்றது.

பிணிக்கேது கரமென்ப பேசுதல்வே றில்லை
தணிக்காத கோபத்தாற் றாகந் - தணிக்காமை
யாலுண்டி யாற்புணர்ச்சி யாரி ரத்தாற் சுமையாகீ
மேலும் பிணிகளநறுமே.

முக்குற்றங்களின் அடிப்படையில் அமைந்த உடல் அமைப்புக்களிலும் வளியை அடிப்படையாக கொண்ட வளி உலமைப்பு (பிரக்ருதி), கூடுதலாக உணர்ச்சிகளுக்கு ஆட்பட்டதாகவும் கூடுதலான மனப்பாதிப்புக்களையும் சஞ்சலங்களையும் அடைவதாகவும் காணப்படுகின்றது. அழல், ஐய உடல் அமைப்புடையோர் ஒப்பீட்டளவில் மேற்கூறிய இயல்புகளை குறைவாக கொண்டு காணப்படுகின்றனர். இவ்வுடலமைப்பு பிரிவுகள் தற்கால உளவியல் உடலமைப்பு பிரிவுகளுடன் ஒத்துக்காணப்படுவதாக கூறப்படுகின்றது. அதாவது அகத்தியர், தேரையர், போன்றோரின் உடலமைப்புக்களுடன் (முக்குற்றங்களை அடிப்படையாக கொண்ட), Kretscmer மற்றும் Sheldon போன்றோரின் உடலமைப்பு பிரிவுகளின் குணங்களுடன் ஒத்துக்காணப்படுவதாக கூறப்படுகின்றது.

உடலமைப்பு பிரிவுகள்:-
தேரையர் + அகத்தியர் --- Kretscmer --- Sheldon
வளி உடலமைப்பு --- Asthenic Constitution --- Ectomorphic Constitution
அழல் உடலமைப்பு --- Athletic Constitution --- Mesomorphic Constitution
ஐய உடலமைப்பு --- Pyknik Constitutuion --- Endomorphic Constitution.